Predsjednica Kosova Vjosa Osmani potvrdila je da je Kenija priznala Kosovo kao nezavisnu i suverenu državu odlukom koju je potpisao predsjednik William Ruto.
 
 - Republika Kosovo pozdravlja odluku Republike Kenije o priznanju Kosova kao nezavisne i suverene države odlukom koju je potpisao predsjednik Ruto prije nekoliko dana formalno upućena Predsjedništvu - navela je Osmani na svom Facebook profilu.

- Ovo priznanje je svjedočanstvo tekuće podrške pravu naroda Kosova na slobodu, nezavisnost, suverenitet i teritorijalni integritet. Istovremeno je i priznanje dugog stradanja vekovne žrtve naroda Kosova za slobodu - dodala je.

U ime institucija i građana Kosova, izrazila je zahvalnost predsjedniku Kenije Vilijamu Rutu (William) na "ovoj pravednoj i važnoj odluci, kao i kenijskim institucijama i građanima koji su podržali ovaj veliki diplomatski korak".

Dodala je da Kosovo nastavlja da napreduje na svom putu integracije i jačanju međunarodne pozicije, prenose Vijesti.

Odnosi između Kosova i Kenije produbljuju se u različitim oblastima, tako da očekujemo vrlo brzo uspostavu diplomatskih odnosa, izgradnju čvrstog i dugotrajnog partnerstva između dvije zemlje i naših naroda.